UNAN SA ILALIM NG LUHA

Ipinugal na luha’y tumagistis
Sabay sa lagaslas ng pait at tamis
Lumigmig na mga patak ay nagtago
Sa ilalim ng mga anino




Mga daing ng kasiyaha’y nasa ibaba ng kama
Tagos sa itaas ng kagalakang nadarama
Sa limang unan na katalik
Magdamag nagbunga ang pagsuyong hitik




Dalawa’y magkahiwalay na magkatabi

Iyon lamang ang tama sa katre ng mali

Ulanin man ng luha ang ilalim ng kama…

Sisibol ang balangyaw

At sa dulo, ikaw ang siyang kaulayaw